Rejissor
monitora baxır.
REJİSSOR –
O indicə Volt-Stritdən olan üç gənci öldürdüyünü etiraf etdi?
TEXNİKİ
DİREKTOR (qorxu içində) – Bəli. O edib bunu.
KÖMƏKÇİ
(rejissora tərəf) – O edib.
REJİSSOR –
Aman Tanrım (mikrofona) Üçüncü kamera, yaxınlaşdırın.
Kamera
Cokerin üzünə yaxınlaşır.
114.
Tok-şou meydançası, səhnə
Cin Urfand
kürsüdən qalxır ki, söhbəti yekunlaşdırsın. Mürrey başını tərpədir. Bu etiraf
televiziyada sensasiya ola bilər.
M.FRANKLİN
(Cokerə tərəf) – Sən ciddi deyirsən? O gəncləri sən öldürmüsən? Sənə niyə
inanmalıyıq ki?
COKER
(çiyinlərini sıxaraq) – Artıq vecimə deyil, Mürrey. Daha heç nə məni incidə bilməz.
Mənim taleyim belədir, həyatım başdan ayağa komediyadır.
115.
Sofinin mənzili, qonaq otağı
Sofi
divanda əyləşərək, şouya baxır. Cici onun yanında yatıbdır. Açıq zərf və pullar
kişik masanın üzərindədir. Güllər görünmür...
M.FRANKLİN
(televizorda) – Gəl aydınlaşdıraq. Sən düşünürsən ki, o üç gəncin qətli gülməlidir?
COKER
(televizorda) – Hə. Komediya həmişə subyektivdir, məgər belə deyilmir həmişə? Nə
baş verdisə, yaxşı olub. Siz hamınız bir sistemsiniz, hər şeyi bilirsiz, siz qərar
verirsiz - nə doğrudur, nə yanlış. Nə gerçəkdir, nə uydurma. Həmçinin siz qərar
verirsiniz - nə gülməlidir, nə yox.
Sofi
divanın kənarında əyləşib, üzündə razılıq ifadəsi var.
116.
Tok-şou meydançası, səhnə, 4B studiyası
Çəkiliş
meydançasına qayıdırıq – Mürrey Cokerlə diqqətlə, ləng söhbət edir, yəqin
düşünür ki, bu verilişə görə mükafat alacaq.
M.FRANKLİN
– Yaxşı, anladım. Sən bunu ona görə etdin ki, hərəkat, rəmz yaradasan.
COKER –
Yox e, Mürrey, mən hərəkat yarada bilən klouna oxşayıram? Mən o gəncləri
öldürdüm, çünki onlar dəhşətli idilər. Bizim zəmanədə hər şey dəhşətdir. Bu
kifayətdir ki, adam dəli olsun.
M.FRANKLİN
– Həəəə belə de... Sən dəli olmusan. O gəncləri öldürdüyünə görə bəraət
qazanırsan? Çünki onlar sənə qarşı qəddar olublar?
COKER –
Yox. Onlar mahnı oxuyanda xoruz buraxdılar, buna görə yaşamağa haqları yoxdu.
Zaldan
narazı səslər eşidilir.
COKER –
Niyə o adamlar üçün bu qədər məyussunuz? Bəlkə ona görə ki, Tomas Veyn o gənclərin
ölümünə təəssüflənmişdi?
M.FRANKLİN
– Sənin Tomas Veynlə də problemin var?
COKER – Hə.
Özü də necə... Onun üçün hər şey asandır.
M.FRANKLİN
– Nə olub ki?
COKER - Mürrey, siz küçələrdə nə baş verdiyini
görmüsünüzmü? Siz öz studiyanızdan eşiyə çıxırsınızmı? Küçədə hamı bir-birinə
bağırır. Bir zərrə mədəniyyət yoxdur. Heç kim başqasını düşünmür. Tomas Veyn
kimiləri mənim kimi gəncləri düşünürmü? Hə? Kim olursansa ol, amma özün olma.
(Başını tərpədir, səsini ucaldır) Heç kim düşünmür. Onlar elə bilirlər ki, biz
oturub onlara dözəcəyik, sözəbaxan uşaqlar kimi... Bu isə sizin üçündür.
Coker canavar
kimi ulayır və çox qəribə, əcayib
görünür.
117.
Növbətçi bölmə - 7-ci bölmə
Zabitlər və
detektivlər hərəkətə başlayırlar – onlar balaca ağ-qara televizordan kənardadırlar.
POLİS
LEYTENANTİ (kadr arxasında) – Bu əclaf birbaşa
yayımda indicə etiraf etdi ki, Vol-Stritdən o üç gənci öldürüb!
Kamera
balaca televizoru göstərir, Coker Mürreyə baxır.
M.FRANKLİN
(televizorda) – Artur, siz özünüzə elə acıyırsınız ki... Sanki o üç gənci
öldürdüyünə görə bəraət qazandırırsan özünə. Bütün insanlar alçaq deyil.
118. Tok-şou meydançası, səhnə,
4B studiyası – davamı
Çəkiliş
meydançası. Coker düz Mürreyə baxır.
COKER – Siz
dəhşətsiniz, Mürrey.
Heç kim
daha gülmür. Publika diqqətlə söhbəti izləyir.
M.FRANKLİN
– Mən? Mən niyə dəhşətəm ki?
COKER – Mənim
videomu qoydunuz, məni şouya dəvət etdiniz, siz sadəcə məni ələ salmaq istəmisiniz.
Frankenşteynə gülmək asandır, deyilmi? Siz də başqaları kimisiniz, Mürrey.
Sizin üçün də hər şey asandır.
M.FRANKLİN
(özünü müdafiə edərək) – Sən mənim barəmdə heç nə bilmirsən. Gör nə etmisən,
Artur... Gör nələr baş verib sənə görə... Şəhərdə iğtişaşlar var. İki polis
indi ölümcül haldadır, bü gün kimisə öldürüblər.
Coker təsdiqlə
başını tərpədir.
COKER -
Daha bir zarafat istəyirsinizmi, Mürrey? Siz təhna bir ruhi xəstəni onu inkar
edən sistemlə qarşı-qarşıya qoyanda, onunla zibil kimi rəftar edəndə, nəyi əldə
edirsiniz?
Mürrey
Cokeri dinləmədən vəziyyətin nə qədər ciddi olduğunu dərk edir. O, kameraya tərəf
dönür.
COKER (tapançanı
çıxararaq) – Mən deyərəm, nəyi əldə edirsən. Nəyə layiqsən, onu da alırsan!
Mürrey
Cokerə tərəf dönəndə, Coker onu başından güllə ilə vurur.
Dekorasiyanın
arxa tərəfi qana batır. Cokerin üzündə qan damlaları var. Publika dəhşətdən
bağırır. Doktor Salli yerə yıxılır.
119. Sofinin mənzili, qonaq
otağı
Sofi qışqırıb
ayağa qalxır. Cici oyanıb, televizorda gördüyündən, ağlayır.
Ekranda
Coker ayaq üstədir, gözlərini düz kameraya zilləyib. Onun ağ üzü qanlıdır.
Publika qışqırır, ətrafda hər şey səs-küydən dağılır.
COKER
(televizorda, düz kameraya baxaraq, Mürreyin həmişəki ifadəsini qışqırır) – Gecəniz
xeyrə qalsın!Və unutmayın – həyat budur!
Coker əl
edib auditoriya ilə vidalaşanda, şou kəsilir, yazı görünür – “Xahiş edirik,
bizimlə qalın!”
Fonda
musiqi səslənir.
120. Tok-şou
meydançası, səhnə
Studiyaya
qayıdırıq.
İki
mühafizəçi və bir neçə fəhlə Cokeri itələyir, hələ də tamaşaçıların dəhşətli
qışqırığı eşidilir.
Coker azsürətli
çəkilişdə olduğu kimi, yavaş-yavaş parlayan döşəməyə üzü üstə yıxılır.
Fortepiano səsi eşidilir.
121. Hotemin
patrul maşını, Hotemin küçələri – gecə.
Coker pəncərədən
şəhərin küçələrində baş verən qəddarlığa və dəliliyə baxır. Biz onu yalnız şüşə
əksində görürük...
Ətrafda
yanğınlar.. küçələrdə adamlar... Coker əli qandallı halda, patrul maşınının
arxa oturacağındadır, maşın asta sürətlə kütlənin arasından keçir, siqnal səsləri...
qırmızı işıqlar...
Cokerin
üzü qanlıdır. Kamera Cokerin üzünü göstərir.
Polis rasiyası ilə Kloun maskaları taxmış iğtişaşçılardan xəbər verilir, onlar
vitrinləri dağıdır, dükanları qarət edirlər.
Pəncərədəki
əkslər, maşın sürətləndikcə, sürətlənir.
1-Cİ POLİS
(kadr arxasında) – Buna bax, gör nə etdin, əclaf, bütün şəhər sənə görə
dağılır.
COKER var
gücüylə başını polad barmaqlığa vurur – BAMM!
2-Cİ POLİS
(kadr arxasında) – Hə, elə də davam et, gicbəsər. Gör bölmədə sənin başına nə
oyun açılacaq.
Coker yenə
başını dəmirə vurur. Bam.Bam. Alnında qan damlası görünür.
1-Cİ POLİS
(kadr arxasında, geriyə baxıb qışqırır) - Sakit ol, əclaf! Onsuz da işlərin
xarabdı!
Sükan
arxasındakı polis arxaya dönüb baxanda, kiminsə ya nəyinsə kölgə kimi patrul
maşınının qarşısından qaçdığını ani görürük.
İri plan –
Maşın yoldan dönərkən, Coker qapını döyür.
Traaaaktttt!
Patrul maşını yolun kənarındakı avtomobilə zərblə dəyib, çevrilir və yolda
sürüşür.
122. Patrul maşını
(sürüşən), küçə
Qığılcımlar
uçur, nəhayət, polis maşını sürüşüb dayanır. Tüstü qalxır. Piano səsi eşidilir.
Ön oturacaqdadkı
hər iki polis ya ölüb, ya da huşsuzdurlar. Arxa oturacaqda bir hərəkət sezirik,
bilinmir, içəridə nə baş verir. Qəfildən arxa qapı açılır, Coker özünü yerə
salır, bir əli azaddır, o birisindən qandal sallanır. Uzaqdan həyəcan səsi
eşidilir.
Coker kürəyini
maşına söykəyir, üzü qan içindədir, bədəni qəzada bərk əzilib. Onun ətrafında
yanğın, xaos görünür. Coker bir şüşə qırığını götürüb, dərindən nəfəs alır, şüşəli
əlini dizi üztə qoyub. Həyəcan səsi yaxınlaşır, daha ucadan eşidilir.
Coker
sanki damarını kəsməyə hazırlaşır...
123. Kinoteatr, küçə - davamı
Yaxşı
geyinmiş, təminatlı təbəqədən olan adamlar kinoteatrdan çıxırlar, iğtişaşlar
bura, şəhərin abadlı yerinə də gəlib çıxıb...
Həyəcan səsləri
eşidilir, bir dəstə pank Kloun maskalarında qaçaraq, avtomobillərin şüşələrini
qırır və onları yandırır...
İşıqlı
lövhədə filmlərin adı görünür – “Biyabırçı səhv”, “Zorro – mavi bıçaq”.
Klounlar haqqında mahnı eşidilir. Arxada, küçənin qaranlıq yerində sürətlə pilləkənləri
düşən cütlük və uşağın silueti görünür, onlar tələsik döngəyə tərəf dönürlər
ki, xaosdan qurtulsunlar. Kloun maskalı pank onların arxasınca gedir, tapançanı
çıxarır.
124. Patrul
avtomobili (çevrilmiş), küçə
Coker qandalı yellədərək, iti şüşə qırığını qaldırır.
Biləyindən yan keçirir. Və ağzının kənarını kəsməyə başlayır və təbəssümü daha
uzun və geniş olur. Qan onun üzü, əli ilə axır.
Coker
ağzının digər küncünü də şüşə ilə çərtir, qan axır, qandal yellənir...
Cokerin
başı üzərində həyəcan səsi eşidilir, yanıb-sönən qırmızı işıqlar Cokerin üzündə
əks edilir.
Coker daha
ağzını kəsmir, qanlı şüşə qırığını aşağı endirib. Başını patrul avtomobilinə
söykəyir və qanlı gözlərini yumur.
Artıq
Artur yoxdu. Coker var.
125. Döngə,
kinoteatr
Qaranlıqda
gedən ailə görür ki, əlində tapança tutmuş pankın gözləri maska altında necə genişlənir,
musiqi səsi gərginləşir.
PANK
(bağırır) – Sən elə bilirsən ki, biz murdar klounuq?
Pank kişiyə
atəş açır, sonra əlini uzadıb qadının boynundan nəsə qırıb qoparır və sonra onu öldürür.
Ər-arvad yerə yıxılırlar. Uşağın ölmüş ata-anası yanında dayandığını görürük.
İri planla
– 8 yaşlı Brüs Veyn. Qan onun üzünə sıçradığı üçün o, gözlərini yumub. Gözlərini
açanda Kloun maskasındakı adamın qorxu dolu gözlərini görür, bu adam uşağın
ata-anasını – Tomas və Marta Veyni öldürüb. Klounlar haqqında mahni bitir.
Uzunmüddətli
ritm.
Qəhqəhə
eşidilir. Bu, tamamılə sınmış və sındırılmış insanın səsidir.
126. Arkhem dövlət
xəstəxanası, dindirilmə otağı – səhər
İri planda
– Coker. Qəhqəhə çəkməkdən gözləri yaşarıb. O bu qəhqəhəsindən həzz alır, onu nəzarətə
götürmür. Cokerin saçı qırxılıb, elə görünür ki, sanki dərman təsiri altındadır
və ya lobotomiya əməliyyatından sonradır. Əynində ağ xüsusi geyim var.
Onun yeni
təbəssümü tikilmişdir, ağzının küncləri dərin kəsilərək, daha uzun, “xoşbəxt”
gülüşü yaradır.
Coker yorğun
həkimin (afro-amerakalı qadın, 50 yaşında) qarşısında əyləşmişdir. Bu otaq
sanki 30 il əvvəl Penninin dindirildiyi otaqdır. Otaq və həkim birinci səhnədəki
sosial işçini və onun ofisini də azacıq xatırladır.
Həkim
sakitcə gözləyir ki, Coker gülüşünü bitirsin. Masa üzərində Cokerin köhnə
bloknotu var. Nəhayət, gülüş kəsilir.
HƏKİM –
Gülməli nə var?
O, dərindən
nəfəs alır, gözləri tutqundur. Səsi kobuddur.
COKER –
Heç... bir zarafat yadıma düşdü.
HƏKİM – Mənə
deyə bilərsinizmi?
COKER –
Yox.
HƏKİM – Elə
bilirsiz, zarafatı anlamaram?
COKER – Bu
çox şəxsidir, mənimlə ona aiddir.
HƏKİM –
Yaxşı. Dərmanlar kömək edirmi? Yuxunuz varmı?
Coker baş
ilə təsdiqləyir.
HƏKİM –
Özünüzü necə hiss edirsiniz?
COKER –
Yaxşı. Artıq yaxşıyam.
HƏKİM –
Gündəliyiniz yazırsınız?
Coker başı
ilə təsdiqləyir.
HƏKİM –
Əla. Mən əmin olmaq istəyirəm ki, siz öhdəsindən gəlirsiniz.
COKER – Bəli.
HƏKİM – O
hadisə haqqında yazmısınız? Baş verənlər haqqında...
COKER –
Xatırladığım qədər yazmışam.
HƏKİM –
Baxmaq olar?
Coker gündəliyini
həkimə tərəf itələyir. Qadın gündəliyi götürüb vərəqləyir.
Kamera
bloknotu göstərir – səhifələr boşdur.... Heç nə yoxdu. Həkim şaşqın vəziyyətdə
Cokerə baxır.
Kamera
Cokerə - o, gülümsəyir. Və biz “Bu həyatdır”
("That's
Life", Frenk Sinatra) mahnısını eşidirik.
127. Arkhem
dövlət xəstəxanası – səhər
Cokeri kürəyindən
görürük – o, digər ruhi xəstələrin yanından, ayaqlarını sürüyərək dəhlizdə
gedir, yanında sanitar var. Sinatra oxuyur.
Coker
musiqi altında sürüşən bir addım atır, sanki o, bu musiqini eşidir, hoppanıb yenə
də sürüşən addım atır, fırlanır və rəqs edə-edə qürub şüaları altında dəhlizlə
gedir...
“Bu həyatdır!”
mahnısı titrlərdə səslənir.
-------------
Çevirdi - Sima
Hiç yorum yok:
Yorum Gönder