50. Ananın yatağı, mənzil –səhər erkən
Artur
kürsüdə, ananın otağında əyləşib, onun necə yatdığına baxır. Artur gecəni yatmayıb.
Həmin geyimdədir. Əlində məktub var.
Pəncərə
arxasında günəş doğur, otağın qaranlığını dağıdır. Kürən pişik Arturun ayaqları
yanında əyləşərək, aşağıdan yuxarı ona baxır, lakin Arturun gözü anasındadır.
Artur bir
müddət də belə oturur, anasının yuxudan oyanmasını səbirsizliklə gözləyir, qəfildən
özünü kürsüyə çırparaq, var gücüylə bağırmağa başlayır.
Ana
diksinib oyanır, yuxulu halda ətrafa baxır, şaşqındır.
Artur
görür ki, pişik otaqdan qaçıb gedir.
ANA – Nədir,
saat neçədir?
Artur
cavab vermir.
ANA – Nə
olub? Yenə özün-özünə zülm edirsən?
Arturun əlində
məktub var.
COKER – Bu
nədir? Niyə heç vaxt bu haqda mənə bir söz deməmisən?
ANA – Bu..
mənim məktubumdur? Mənim məktubumdur, sevincim?
COKER – Sən
bunu mənə niyə deməmisən, anacan?
ANA – Sən
dedin ki, məktubu vermisən. Məktublarımı oxumağa sənin ixtiyarın yoxdu. Sən
kimsən ki?
COKER (səsini qaldıraraq, həyəcanla) – Deməli, mən
Tomas Veynin oğluyam! Niyə bunu məndən gizlətmisən?
Ana yavaşca
yatağında dikəlir.
ANA – Bəsdir
qışqırdın. Ölməyimi istəyirsən? Məni infarkt edəcəksən!
ANA vanna
otağına gedir.
COKER
(ananın arxasınca qışqırır) – Mən qışqırmıram! Sadəcə həyəcanlıyam. Sözlərin
doğrudurmu? Tomas Veyn necə mənim atam ola bilər?
ANA (qapı
arxasından) – Sən sakit olmayana qədər, səninlə danışmayacam!
Artur bir
dəqiqəlik əyləşir, sonra ayağa qalxıb vanna otağının qapısına tərəf gedir.
Anası ilə bağlı qapıdan danışır.
COKER (səsini azaldaraq, sakit olmağa çalışır) –
Okey, anacan. İndi necədir, yaxşıdır? Xahiş edirəm, danış mənimlə!
Artur daha
yaxın əyilir, başını qapıya söykəyir.
COKER –
Xahiş edirəm...
ANA –
Artur, o qeyri-adi adamdır. Bizim münasibətlərimiz vardı. O zaman mən çox gözəl
idim. Bir-birimizə aşiq olmuşduq.
Artur qapı
önündə dayanaraq, dinləyir. Gözlərini yumur, eşitdikləri onun üçün çox əhəmiyyətlidir.
ANA – Onun
arvadı hər şeyi görürdü. İlk gündən bizi qısqanırdı. Sonra da məni işdən
çıxartdı. Bilmirdim ki, hamiləyəm (ağlayır) Heç vaxt ona ya kimsəyə demədim.
Çünki... bilsəydilər, Tomas haqqında, mənim və sənin haqqında nələr deyəcəkdilər...
COKER
(gözü yumulu, başı qapıya söykənmiş halda) – Nə deyəcəkdilər ki, anacan?
ANA – Deyəcəkdilər
ki, mən gəzəyənəm, Tomas isə şorgözdür... Sənə də bicbala deyəcəkdilər.
Qəfildən qapı açılır, Artur üzü üstə vanna otağına
yıxılır.
1. 51. Okeankənarı, Atraksionlar parkı – səhər
Artur
hoppanan addımlarla taxta döşənmiş çığırla Ha-ha ofisinə gedir.
Onun
arxasında əjdahaların skeleti kimi, taxtadan köhnə atraksionlar və nəhəng polad
Panorama çarxı görünür. Okeanın sahilə çırpılan dalğalarının, qağayıların səsi
eşidilir.
2.
52. Ha-ha ofisi, geyinmə otağı – səhər.
Artur
geyinmə otağına daxil olur, yarıçılpaq Rendalı görür (qırmızı burun, enli
şalvar, nəhəng çəkmələr, pariksiz). Rendal Harri, iki başqa kloun və fokusçu ilə
kiçik masa arxasında əyləşib. Onlar Arturu başları ilə salamlayırlar, kimsə əlini
yellədir. İş yoldaşları Arturu əndrabadi
adam hesab edirlər.
HARİ – Ey,
Art, eşitdim, başına iş gəlib, təəssüf...
RENDAL – Hə,
Hoyt ədalətsiz davrandı.
Artur düz
Rendalın gözlərinin içinə baxır, başını astaca yellədir və şkafına tərəf gedir.
Oradakı əşyaları çıxarıb, bütün kloun vəsaitini köhnə qəhvəyi bazar çantasına
yığır. İş yoldaşlarının onun arxasınca danışdığını, güldüyünü eşidir.
1-Cİ KLOUN
– Doğrudanmı uşaq xəstəxanasında tapança çıxartdın? Onu niyə ora aparmışdın ki?
Artur
cavab vermir, əşyaları yığır – hava şarları ilə dolu paket, sehirli çubuq,
fokus üçün güllər...
2-Cİ KLOUN
– Yo, mən eşitmişəm ki, tapançanı çıxarıb kovboylar kimi barmağında firladıb.
Klounlar
gülür. Artur, onlara baxmadan deyir:
COKER –
Oyuncaq tapança idi. Mən onu çıxartmamışdım, özü cibimdən düşdü.
FOKUSÇU – O
sənin çıxışının bir hissəsi idi? Oxumağını bəyənməsələr, özünü vuracaqdın?
Yenə qəhqəhə.
2-Cİ KLOUN
- Mən elə bilirdim ki, Cinqls-kloun yaxşı oğlandı, davakar deyil.
Artur
dönüb onlara baxır, Rendala işarə edir:
COKER –
Bunu Rendaldan niyə soruşmursan? Bu onun fikri idi.
HARİ
(Rendala) – Sən nə zamandan rekvizit kimi tapançadan istifadə edirsən?
RENDAL – Nə?
Mən... Artur, nə sayıqlayırsan? (dostlarına) Görünür, axmaq gülüşü beyninə təsir
edir.
Hamı
gülür, söhbət edirlər. Artur susur. Çantasını yığıb şkafın qapısını örtür.
3.
53. Ha-ha ofisi, döngə - Atraksionlar parkı – səhər
Artur arxa
qapıdan çıxır, qəhvəyi çantası qoltuğu
altındadır, xiyabanla aşağı gedir.
Bu zaman
onun arxasında Rendal peyda olur və yarıgeyinmiş halda Arturun dalınca qaçır.
RENDAL - Art, dayan!
Artura
çatdıqda, Rendalın qırmızı burnu düşür, amma o, elə təngnəfəsdir ki, heç nə
görmür.
RENDAL –
İndi dediyin nə idi?
COKER – Nə?
RENDAL –
Niyə elə dedin? Niyə dedin ki, mənim fikrimdi.
Artur sadəcə
Rendala baxır. Onun yerə düşüb fırlanan plastik qırmızı burnunu görür.
COKER -
...................
RENDAL –
Başa düşmürsən metroda baş verənlər nə deməkdi, bu zarafat deyil e. Bütün qəzetlərin
birinci səhifəsində kloun maskası var. Bir azdan polislər bizə gələcək.
COKER – Mənim
heç nədən xəbərim yoxdu.
RENDAL
(yaxın əyilərək, alçaq səslə) – Art, bilirsən ki, dostunam. Mən bu zibil
haqqında heç kimə deməyəcəm. İnanıram ki, tapançanı yox etmisən. O, mənə
qayıtmamalıdır, anladın?
COKER –
Rendal, mən heç kimi vurmamışam. O qatil mən deyiləm. Mənim buna vaxtım
yoxdur... Getməliyəm, vacib işim var.
Artur
çevrilir ki, çıxıb getsin.
RENDAL – Sən
yəqin bilirsən ki, onlar maska satırlar.
COKER
- Nə?
RENDAL –
Onlar sənin kloun maskandan satırlar, qatilin cizgilərinə uyğun maskalardı...
Düşündüm ki...
COKER – Sən
nədən danışırsan?
RENDAL – Şəhər
sakinlərindən çoxu sənin etdiyinə sevinir, əgər bunu sən etmisənsə...
COKER –
Rendal, burnun...
RENDAL – Nə?
Rendal əlini
üzünə toxundurur, görür ki, kloun burnu yoxdu. Artur pilləkənlə aşağı diyirlənən
burnu göstərir. Rendal burnun dalınca tələsir, külək burnu irəli aparır.
4.
54. Metro qatarı (hərəkətdə) – kənd yeri, Hotem
şəhərindən kənarda, ertəsi gün
İri planla
qəzetin birinci səhifəsində klounun təsviri və başlıq: Qatil-kloun hələ də
azadlıqdadır!
Alt-başlıq:
“Varlılara ölüm – yeni hərəkatdır?”
Artur
bloknotunun səhifəsinə baxır – Tomas Veynin jurnaldan kəsdiyi fotosunu vərəqə
yapışdırıb.
Artur pəncərədə
öz əksinə baxır, əli ilə saçlarını yana darayır, Tomas Veyn kimi.... Bəlkə də,
oxşarlıq vardır...
Daha geniş
görüntü – qatarda əsasən biznesmenlər və bir neçə iş qadını var, onlar işdən
sonra evə qayıdırlar, əksərinin əlində qatil kloun haqqında qəzet var.
Qatil-klounun təsviri vaqonda ləkə kimi sürətlə keçir. Boş yer yoxdur. Yalnız
bir yer var, o da Arturun yanında.
5.
55. Taksi (hərəkətdə), şəhərkənarı,
günorta
Taksinin
arxa oturacağından Artur şəhərkənarı yerə, ağaclara, yaşıl ota, mavi səmaya,
açıq yerlərə baxır. Günəş qüruba enir. Hər yer qızılı şüalara bürünür. Heç yerdə
zibil yoxdur.
6.
56. Veynin mülkü, evin qarşısındakı otluq –
axşamçağı
Artur həbsxana barmaqlıqları kimi mülkü əhatə edən
qorxunc dəmir naxışlı hasar boyu gedir. Qəhvəyi çanta onun qoltuğundadır. Böyük
malikanə təpədə yerləşir, ərazi həmişəyaşıl bitkilərlə doludur. Artur əsas
giriş yerini axtarır və 8 yaşlı bir oğlanı görür. Oğlan gizləndiyi ağacların
arasından Artura baxır.
Artur
dayanır. Uşaq da ağacın arxasında dayanır.
Artur
yoluna davam edir və əsas darvazaya çatır. O, çantasında nəsə axtarır və oradan
sehirli çubuğu çıxardır, onu elə qaldırır ki, oğlan çubuğu görsün.
Oğlan
ağacın arxasından çıxıb yaxınlaşır.
Artur
çantanı yerə qoyur, əlindəki cubuğu darvazanın qıfılı üzərində fırladır, sanki
ovsunlayır.
Uşaq
hasara tərəf gedir, üzü sanki mələkdir.
Artur gözləyir
ki, uşaq yaxınlaşsın, sonra əlini hasardan içəri salıb uşağa sehirli çubuğu
verir.
Oğlan
çubuğu götürür, çubuq onun əlində yumşalır, indi onu yelləmək olar – oğlan təəccüblənərək,
gülür. Sonra çubuğu Artura qaytarır.
Oğlan
Arturun üzünü yaxından görür, onun gülümsəyən çapıqlı üzünə diqqətlə baxır.
Artur
çubuğu yenidən düzləşdirir və əlini hasardan içəri salır ki, uşaq yenə çubuğu
götürsün.
Və yenə
çubuq uşağın əlində yumşalır, o gülür və çubuğu qaytarır.
Artur çubuğa
baxır, guya onu sındırıblar, bir an donub qalır... və...
Ta-dam!
Çubuğun ucunda bir dəstə gül peyda olur. Artur gülümsəyib, çiçəkli çubuğu uşağa
verir. Uşaq onu götürür, Arturun üzündəki çapıqlara yenidən baxır. Əlini
hasardan çıxarıb barmağıyla Arturun üzünə toxunur.
Artur utancaq
halda gözlərini yumur, amma ona xoşdur, anasından başqa heç kim ona
toxunmayıb. Artur gülümsəyir, bu zaman
arxa planda kişi səsi eşidilir.
ALFRED
(qışqıraraq, yüngül ingilis aksenti ilə) – Brüs! Orada neynirsən? O adamdan kənara
çəkil!
Balaca
oğlan əlini çəkir, dönüb qaçır. Artur başını qaldırıb saçı tökülmüş yorğun
Alfred Pennivortu (50 yaş) görür, Alfred Artura tərəf qaçır.
Artur
ayağa qalxır.
ALFRED –
Siz kimsiniz? Nə istəyirsiniz?
Balaca
Brüs qaçaraq, Alfredin ayaqları arxasında gizlənir.
COKER –
Adım Arturdur. Mister Veyni görmək istəyirəm.
ALFRED
(sözünü kəsərək) – Sizin onun oğlu ilə danışmağa ixtiyarınız yoxdur. Bu gülləri
niyə verdiniz?
Alfred
uşaqdan çubuğu alır.
COKER –
İstədim uşaq gülümsəsin.
Alfred
çubuğu Artura qaytarır.
ALFRED –
Gülməli heç nə yoxdu. Bəlkə polis çağırım?
COKER –
Yox, xahiş edirəm... Anamın adı Penni Flekdir. O burada işləyib... uzun illər əvvəl...
Mister Veynə deyə bilərsiniz ki, onu görməliyəm?
ALFRED (bənizi
ağarır) – Siz Penninin oğlusunuz?
COKER –
Onu taniyırdınız?
Alfred
susur.
Artur
üzünü hasara yaxınlaşdırır və pıçıltı ilə elə deyir ki, uşaq eşitməsin.
COKER –
Siz ört-basdır etməyin. Əminəm ki, olanları biləndə, missis Veyn çox
sarsılmışdı...
ALFRED –
Heç nə olmayıb! Ananız xəstədir!
COKER –
Yox, mənə imkan verin mister Veynlə danışım.
Alfred
Artura tərəf əyilir, o, Arturun halına acıyır.
ALFRED
- Xahiş edirəm, çıxın gedin, özünüzü
axmaq vəziyyətə salmayın.
COKER –
Tomas Veyn – mənim atamdır!
Alfred
Artura baxır və qəhqəhə çəkir.
Artur əlini
hasardan içəri salıb, onun boğazından yapışır ki boğsun. Bu an balaca Brüsü
görür. Brüs, dəhşətdən geniş açılmış gözləriylə ona baxır.
Artur
Alfredi buraxır. Və var gücüylə küçə ilə qaçır, Veynin malikanəsindən
uzaqlaşır, əlində sehirli çubuq var, çantası isə geridə qalıb.
Çevirdi Sima
Hiç yorum yok:
Yorum Gönder