106.
Kulis arxasında, pərdə qarşısında, 4B studiyası – gecə
Coker
kulis arxasında, göy pərdənin yanındadır, dar aralıqdan şouya baxmağa çalışır.
Onun arxasındakı arabada birbaşa yayımı
göstərən monitor var.
Coker pərdəni
kənara çəkir ki, daha yaxşı görsün. Tanınmış
seksopatoloq Doktor Calli Fridmanla (60 yaş) söhbəti yekunlaşdıran Mürrey gülür.
M.FRANKLİN
(Doktor Salliyə) – Siz növbəti qonağımığı görməlisiniz. Bəlkə ona kömək edə
bildiniz, əminəm ki, ona doktor lazımdır.
Tamaşaçılar
gülürlər.
DOKTOR
SALLİ FRİDMAN - Oooo, onun seksual
problemləri var?
M.FRANKLİN
– O, problemlər içində boğulan adam kimidir.
Uca gülüş.
M.FRANKLİN
(dönüb kameraya baxaraq) – Bir neçə gün, burada, Hotemdə, əsil dəlixana idi. Bəlkə
indi də dəlilik olacaq. Bizdən ayrılmayın. Tezliklə davam edəcəyik.
“Alqışılar”
tablosu işıqlanır. Hamı əl çalır. Coker müşahidə edir. Mürrey pərdənin
sonundakı dar aralıqdan keçir. Rejissor qışqırır – Üç dəqiqədən sonra...”
Coker pencəyinin
altından şalvarının kəmərini dartıb düzəldir. Dərindən nəfəs alır.
107.
Rejissor kabinəsi, 4B studiyası – gecə
Bir mərtəbə
yuxarıdakı otaqda rejissor mikrofon qarşısında əyləşib iki sıra monitoru izləyir.
Köməkçisi onun yanındadır, saatı izləyir, texniki direktor paneli idarə edir.
Birbaşa yayımı göstərən monitor reklam çarxını nümayış etdirir.
KÖMƏKÇİ –
30 saniyədən sonra qayıdırıq.
REJİSSOR –
Yaxşı, klipi ver. Fasilədən sonra onu göstərərik.
KÖMƏKÇİ –
Beş... dörd... üç...
Monitorda
Cokerin stend-apının videosu görünür.
108.
Tok-şou, 4B studiyasının səhnəsi
Çəkiliş
meydançasında Mürrey başının üstündəki monitordan klipə baxır və gülüşünü
saxlaya bilmir. Rejissor barmaqları ilə göstərir – üç... iki...
M.FRANKLİN
(kameraya baxaraq) – Okey, siz yəqin ki, bir neçə həftə əvvəl göstərdiyimiz bir
klipi görmüsünüz. Həmin qonaq indi qarşınıza çıxacaq. Lakin əvvəlcə mən, bu gün
axşam şəhərdə baş verənlərdən kədərləndiyimi ifadə etmək istəyirəm. Lakin qonağımız
bu adla səhnəyə çıxmaq istəyib. Onu təqdim edirəm – COKER!
Göy pərdə
arxasında Coker səhnəyə çıxmağa hazırlaşır. O, adını eşitmir və pərdənin
açıldığını görmür.
Çəkiliş
meydanında pərdə açıqdır, Don Ellis və onun caz orkestri Cokerin çıxışı üçün
melodiya çalır. Coker çıxmır. Mürrey pərdədəki boş yerə baxır. Publika gülür. Pərdə
arxasından Coker görür ki, səhnə fəhləsi ona çıxmağa işarə edir.
Coker səhnəyə
çıxanda, dayanır, parlaq işıq onu çaşdırır. Səhnə fəhləsi onu görmür və pərdəni
düz Cokerin üzərinə endirir. Coker pərdənin içində ilişib qalır.
Tamaşaçılar
gülürlər, elə bilirlər ki, bu, çıxışın bir hissəsidir. Orkestr çalır, Coker pərdədən
çıxır, tamaşaçılar onu görürlər. Bəziləri hələ də gülür. Bəziləri narazıdır.
Əkssəriyyət isə bilmir nə etsin.
Coker səhnədə
addımlayır, əl ilə salamlamağı unudub. O, Mürreyin əlini sıxmaq üçün aşağı enəndə,
pilləkəndə büdrəyir, az qalır Mürreyin üzərinə yıxılsın. Mürrey gülməyini güclə
saxlayır. Publika gülür, elə bilir bu belə səhnədir.
Coker
Doktor Sallini qucaqlayır, yenı narahat bir məqamdır. Yenə gülüş eşidilir.
Nəhayət,
Coker Mürreyin yanında əyləşir. Ayaqlarını çarpazlayır, sonra düzləşdirir –
yerini rahat edə bilmir.
M.FRANKLİN
– Şoumuza gəldiyinizə görə təşəkkür edirik. Amma düşünürəm ki, bu gün meriya
qarşısında olanları nəzərə alaraq, bizim buradakı və evlərdəki tamaşaçılar sənin
obrazını uyğunsuz hesab edərlər.
Coker
Mürreyi dinləmir. O, ona istiqamətlənmiş işıqdan sanki donub qalmışdır. Hamı
ona baxır. Coker Mürreyə cavab vermir. Zaldan əsəbi bir gülüş eşidilir.
M.FRANKLİN
(daha bir cəhd edir) – Deyə bilərsinizmi, niyə bu gün belə geyinmisiniz?
Coker gülməyə
başlayır. Gülüşündən çəkinmir, həzz alaraq, qəhqəhə çəkir.
M.FRANKLİN
(təbəssümünü gizlədə bilmir) – Okey. İnanmıram ki, bu gülməlidir. Etiraz edənlərin
əksəri sizin kimi görünür. Deyəsən, şəhərimiz klounla doludur.
COKER (başını
tərpədir, gülərək) – Bəli. Məgər bu əla deyilmi?
Coker gülməkdə
davam edir. Publika bilmir necə reaksiya versin. Haradansa xəcalətli gülüş səsi
eşidilir.
109.
Rejissor otağı, 4B studiyası
Otaqda heç
kim gülmür.
TEXNİKİ
DİREKTOR (rejissora) – Bu adamda heç nə yoxdur.
REJİSSOR
(mikrofona) – Cin, bu nədir belə? Hər şeyi zibil etmək istəyirsən?
110.
Tok-şou meydançası, səhnə
Mürrey
prodüseri Cinə baxır – Cin kameradan kənarda, monitor qarşısındakı rejissor
kürsüsündə əyləşib. Cin çiyinlərini sıxır.
MÜRREY
(gülümsəyir, verilişi xilas etmək istəyir) – Bundan əvvəl sən demişdin ki,
siyasətdən kənardasan. Yəni sənin obrazın siyası çağırış deyil.
COKER
(gülüş arası) – Elədir, Mürrey. Mən sadəcə insanları güldürmək istəyirəm.
M.FRANKLİN
(gülümsəyərək) – Bunun üçün nə edirsiniz? Yeni material üzərində işləyirsinizmi?
Bizə bir lətifə danışmaq istərdinizmi?
Tamaşaçılar
alqışlayırlar ki, Coker lətifə danışsın.
Coker
Mürreyə baxır (gülüşü sakitləşib), pencəyinin cibindən köhnəlmiş bloknotunu
çıxarır, nəfəsini dərir. Bloknotunda yeni zarafat axtarır.
M.FRANKLİN
– Sən zarafatlar kitabını gətirmisən?
Tamaşaçılar
gülür. Coker gülümsəyir, Brüs Veynin fotosu olan səhifəni açır, pauza edir, yenə
nəfəs alır, səhifəni çevirib yeni zarafatı tapır.
COKER
(oxuyur) – Okey. Zarafatlardan biri. Tuk-tuk.
M.FRANKLİN
– Aman allah, sadəcə tuk-tuk? Və bunu oxumaq lazımdır?
COKER
(başını tərpədir, yenidən oxuyur) – İstəmirəm səhv edim. Tuk-Tuk.
Mürrey
üz-gözünü turşudur: “yaxşı, buna da razıyam”.
MÜRREY –
Kimdi?
COKER
(gözlərini bloknotdan çəkir) – Bu polisdir, mem. Oğlunuzu sərxoş sürücü vurub.
Oğlunuz ölüb.
111.
Rejissor otağı. 4B Studiyası
Rejissorun
köməkçisi gülməyini zorla saxlayır, amma alınmır. Rejissor ona elə baxır ki,
sanki köməkçi dəli olub.
TEXNİKİ
DİREKTOR (başını tərpədərək) – Yaxşı, ikinci kameranı hazırla. İki kamera
götür. Üçüncünü hazırla.
Monitorlarda
kimsə xısın-xısın gülür. Coker də gülümsəyir. Mürrey özündən asılı olmayaraq,
zarafata gülümsəyir.
M.FRANKLİN
(monitorlarda) – Beləliklə, Artur, səhnə arxasında mənə dedin ki, sənin...
Coker ona
tərəf əyilib qulağına nəsə deyir.
112.
Tok-şou meydançası, səhnə, studiya 4B
Mürrey
başını tərpədir, Coker nəsə pıçıldayır.
M.FRANKLİN
(xəcalətli təbəssümlə) – Yaxşı. Üzr istəyirəm. Sən bayaq dedin ki, anan bizim
şounun pərəstişkarıdır, həmişə onu izləyir.
Coker
bloknotunu cibinə qoyur. Ayaqlarını çarpazlayır, belə daha rahatdır.
COKER – Bəli,
elədir. Amma artıq anam ölüb.
Tamaşaçılar
gülürlər.
M.FRANKLİN
(zarafata davam kimi) – Anan ölüb?
Coker – Hə.
Mürrey
bilmir ki, bu çıxışın hissəsidir ya yox.
M.FRANKLİN
– Yaxşı. Bəs atan? O da şouya baxır?
Publikadan
gülüş eşidilir.
COKER –
Bilmirəm, atam kimdir. Məni övladlığa götürüblər və mən anamın aşnası tərəfindən
seksual zorlanmaya məruz qalmışam.
Zalda kimsə
heyrətlə ah çəkir. Kimsə gülür, hələ də elə bilir ki, bu, Cokerin sərt
zarafatlarındandır.
DOKTOR
SALLİ FRİDMAN – Ooh! Yox, yox, bu barədə zarafat etmək olmaz.
M.FRANKLİN
(əsəbi halda) – Bəli, bu gülməli deyil. Biz belə yumorla işləmirik.
Mürrey səhnə
arxasındakı Cinə baxır, Cin əlləri ilə işarə edir ki, “söhbəti bitir!”.
COKER –
Bağışlayın. Mən çox aöır aylar yaşadım, Mürrey. Yəni anam öləndən sonra, polislər
onun dəfnində məni sorğu-suala tutdular ki, kim bunu edib!
M.FRANKLİN
– Doğrudan? Siz şübhəli şəxs idiniz?
Tamaşaçılar
gülür.
COKER – Çox
gülməlidir, Mürrey. Yox. Onlar ona görə gəlmişdilər ki, mən Vol-Stritdən olan o
üç gənci öldürmüşəm.
Publika
başa düşmür – zarafatdır ya yox.
M,FRANKLİN
(özünü itirmiş halda) – Okey. Zarafatın sonunu gözləyirəm.
COKER – Bu
zarafat deyil.
Çevirdi - Sima
Hiç yorum yok:
Yorum Gönder