Depressiya labirintində

Zaman dayanıb.
Saatın oxları məkana tuşlanıb.
Yuxular
soyuq şüşələrdə əks olunur.
Asimanda
boz pişik kimi
pusquda duran buludları
quşlar
qanadlarıyla
yerindən tərpətmək istər...

Ağlamaq yetər!

Külək
damar kimi kəsik küçələrdə
rastına çıxan,
ümidlərində boğulan
insanları cırmaqlayır.
Labirintdə
özünü tapmayanlar
duasını
ürəyindən buludlara ünvanlayır...

Həyatmı davam edir,
yuxumu...

Sima, 2011