Bir təqvim ilini də başa vurduq... Nələri itirdik, kimləri itirdik... Nələri əldə etdik... İlin son saatlarında yaşadıqlarımızı xatırlayarkən, kədərlənməyək... Hər şey keçib gedir, hər şeyin - üzüntünün, uğursuzluğun, yalanın, təkliyin sonu var. Olmalıdır o son. Çünki son - həm də nəyinsə başlanğıcıdır - ümidin, sevginin, uğurun, yeniliyin başlanğıcı.
Rişxənd etməyi sevənlər adətən deyirlər ki, biz Yeni İli bayram etmirik; ötən il ərzində sağ qaldığımıza sevinirik. Amma onlar nə deyirlər desinlər, Yeni İl bayramı xülyalarla vida, arzu və ümidlə görüş deməkdir. Yeni İl - uşaqların nağılı, ümidsizlərin ümidli sabahı, qalan insanların isə sadəcə şənliyidir.
Bir səmamız, bir günəşimiz və bir sabahımız var. Sevinc və sevgi dolu sabah.
BAYRAMINIZ MÜBARƏK!
Hiç yorum yok:
Yorum Gönder