"Xoşbəxtlik haqqında" qərar

"Xoşbəxtlik haqqında" hansısa qərarın olduğuna inana bilərsinizmi? İnanın, belə bir qərar vardır. Onu 2011-ci ilin iyun ayında BMT-nin Baş Assambleyası qəbul etmiş, dünyanın 60-dan çox ölkəsi imzalamışdır. Həmin qərara qayıdacam, amma onu imzalamış ölkələrin öz vətəndaşlarına bu xoşbəxtliyi necə təmin edəcəyini bilmək maraqlı olardı. Qərarı imzalayan ölkələrin sayını nəzərə alsaq, belə nəticəyə gəlmək olar ki, xoşbəxtlik sahəsində planetimizdə vəziyyət o qədər də qənaətbəxş deyil.

İqtisadi göstəricilər artıq insan xoşbəxtliyinin yeganə göstərici deyildir, gərək maddiyyatla mənəviyyatın balansı yarana.

Təklif adını nadir halda eşitdiyimiz Butan krallığının nümayəndəliyindən gəlmişdır. Hindistanla Çinin arasında yerləşən Butan, yeganə dövlətdir ki, ümumi milli xoşbəxtlik göstəricisini ÜDM əvəzinə rəsmən qəbul etmişdir. Butan kralı bir müsahibəsində demişdi ki, ÜDM göstəriciləri xalğın ümumi rifahını düzgün əks etdirmir. Və xalqı xoşbəxt etmək və xoşbəxt görmək üçün Butan krallığında bu işlər görülür:

* icbari təhsil

* ölkənin turizmə açıq olması

* idman və mədəniyyət ocaqlarına dəstək

* ətraf mühitin mühafizəsi

* insanların siqaretdən imtinası və s.

İnsan xoşbəxtliyinə diqqəti cəlb etmək üçün BMT mart ayının 20-sini Xoşbəxtlik günü elan etmişdir. Biz azərbaycanlılara ikiqat bayramdi: 20-si xoşbəxtliyimizi qeyd edib, 21-i Novruz coşqusuna qatılmalıyıq. İndi siz özünüzü tam xoşbəxt hiss edə bilərsiz. Hiss etməsəniz də, BMT-nin qərarı bunu sizə tövsiyə edir.

2012-ci ildə Nyu-Yorkda keçirilmiş "Xoşbəxtlik və rifah" qlobal iqtisadi forumunda alimlər, diplomat və iqtisadçılar bu nəticəyə gəldilər ki, maddi rifah - insanın ümumi rifahının yeganə meyarı ola bilməz. Beləliklə, Happy Planet Index - "Beynəlxalq xoşbəxtlik indeksi"nin mühüm rol oynadığı yeni iqtisadi ideya qəbul edildi. Bu indeks dünya ölkələrində insanların və ətraf mühitin vəziyyətini göstərməlidi.

Artıq insanların beyinlərinə belə bir fikir yeridilir ki, xoşbəxtlik var-dövlətdə, hakimiyyətdə, şöhrətdə deyil. Bu nə deməkdir? Bu o deməkdir ki, Təklər sərvətlər, hakimiyyət və nüfuz uğrunda mübarizə edərkən, Çoxlar gərək tamam başqa şeylərlə (hakimiyyətdən, sərvət və mənfəətdən uzaq) həyatını məşğul etsin, həyat enerjisini başqa işlərə yönəltsin.BMT-nin qərarında qeyd edilir ki, xoşbəxtliyə can atmaq insanın əsas məqsədlərindən biridir. İnsanları xoşbəxt etmək sahəsində işlər dövlət siyasətində öz əksini tapmalıdır. Digər tərəfdən, BMT məsləhət görmüşdür ki, dövlətlər iqtisadi artıma balanslı yanaşmalı, sabit inkişafı təmin etməli, yoxsulluğu aradan qaldırmalı, xalqları xoşbəxt etməlidir. 


Necə? Bu artıq dövlət sirridir...

http://dlux.ru/oon-uchredila-mezhdunarodnyj-den-schastya-20-marta saytının materialı əsasında