Qədimlərdən indiyənə qədər münəccimlərin insanlar arasında böyük nüfuzu olub; talenin ağır sınaqları qarşısında aciz qalan, çətinliklərin öhdəsindən gələ bilməyən, arzu etdiyini həmən əldə etmək istəyən insan münəccimlərə üz tutub ki, bəlkə ulduzların rəhmi gələ, insan həyatda necəsə uğur qazana. Düzdür, bir defe insan ulduzlari aldatmağa nail olub :), amma bu cooooooooxdan olub. (M.F.Axundovun "Aldanmış kəvakib" əsəri, 1857).
Əsrlər keçsə də, insanın məişəti avtomatlaşdırılsa da, ən mürəkkəb məsələlər süni beyinlərə - robot və kompüterlərə həvalə edilsə də, yenə də gözlər göy qübbəsinə dikilib, yenə də ulduzların yeri, bir-biri ilə yaxınlığı/uzaqlığı müşahidə edilir. Münəccimlər ulduzlar haqqında biliklərini gizli saxlamaqla insanları ulduzlardan, əslində isə münəccimlərin özündən asılı vəziyyətə salmağa çalışırlar.
Bəlkə də həqiqətən, yazıya pozu yoxdur? Bəlkə yerdəki gündəlik üzüntülərdən usanaraq, hərdən gözlərimizi ulduzlara qaldırıb onların qızılı işığına baxmaq lazımdır ki,faniliyi dərk edəsən...
Yəqin, bunları nəzərə alıb hər il martın 20-də beynəlxalq astrologiya günü qeyd edilir. Bütün dünya bilir ki, martın 20-də astronomik və astroloji il başlanır.
Hiç yorum yok:
Yorum Gönder