Sabah nə olacaq, bilməsək də
Yenə günəş damlara qonacaq,
Bir dəqiqə boş vaxt tapıb
Buludları seyr edəcəyik yenə.
Bağlı qapı arxasında nə olacaq, bilməsək də
Yenə döyəcəyik o qapını,
Xöşbəxtliyi qoparacağıq zülmətin əlindən,
Sanki oyunbaz insanlar arasında
Doğmamız gizlənib, onu mütləq tapacağıq.
Səhər nə olacaq, bilməsək də,
Yenə gözümüzü sabahlara açacağıq,
Həyat bizə badalaq gəlsə də,
Yenə pillələrlə gedəcəyik,
Asimana tuşlanan çığırla addımlayıb
Buludlarda yellənəcəyik...
Sima
