Dağılmış ocaqda uşaq səsləri.
Bomba zərbələrindən
Torpaq titrəyir,
İnləyir,
Üsyan edir düşmənə.
Hər tərəf tüstü,
Ölüm gəzir saymazyana.
Uşaqlar
Babaların əkdiyi
Ağaclara sığınır,
Gizlənir güllələrdən.
Budaqlarda qızaran narların
Bağrı yarılmış,
Dişlərini qıcayır düşmənə.
Rədd ol!
Rədd ol bu torpaqdan!
İnsan karvanı dağları aşır,
Dağılmış yurddan məcburən qaçır.
Qucaqda ağlayan çağaların səsi
Ataların ürəyini dağıdır –
Hər yer və hər kəs
“Biz qayidacağıq, torpaq!!” – pıçıldayır...
2010
Hiç yorum yok:
Yorum Gönder