Ağaclar və insanlar

Ağaclar insanlar kimi
Yolboyu
Qol-boyun olub,
Dirənib,
Sinə gərib küləyin əzminə.

Ağaclar kimi güclü olmayan insanlar
Dünyanı zəbt edən şərə
Boyun əyib,
Əyilib
İçi kirli,
Çölü parlayan,
Əzəməti ilə göz qamaşdıran
Bütlərin xeyrinə...

Rəngləri bozarmış dünyada
Bütləri yıxıb dağıtmaq,
Yeni rəngli dünya qurmaq
Üçün
Ağaclar kimi
Dirənib,
Sinə gərib,
Getdiyi yol boyu
Qol-boyun olub
Addımlayan,
Yeni yolda
Yeni bütlər yaradan insanlar
Yeni nəsillərə
Hansı
Nağılları uyduracaqlar...