Апрельское

*
Хочу
однажды
попасть туда,
где светит радуга,
где нет обид,
невзгод и подозрений.
Хочу попасть туда,
где слово есть любовь,
и если говорят "люблю",
то это
правда.

Сима, апрель, 2011

Kitab və müəllif hüququ günü

Aprel ayının 23-ü dünya ədəbiyyatının simvolik günüdur: 1616-cı ilin aprel ayının 23-də Servantes, Şekspir və İnka Qarsilaso de la Veqa vəfat etmişlər. 1995-ci ildə UNESCO-nun Baş konfransı kitablara və müəllif hüququna hörmət əlaməti olaraq, həmin gün kitab oxumağı, mütaliədən zövq almağı tövsiyə etmişdir. Hər kəs bəşəriyyətin mədəni və sosial inkişafında danılmaz rolu olan yazarlara və kitablara hörmətlə yanaşmalıdır.

Xoşbəxtlik piroqu

Xoşbəxtlik piroqundan dadmaq istəyirsiz? Onda piroqun “hazırlandığı” inqrediyentlərə diqqət edin:
1. İnciklik – xəstəliklərin və uğursuzluqların zəminidir. Odur ki, kimsədən incik olmayin.
2. Yaxşı ya pis insan yoxdur. Elə insan var ki, onunla özünü pis hiss edirsən, eləsi də var ki, onunla ünsiyyətdən zövq alırsan. Özün seç – kiminlə olmaq istəyirsən?
3. Hamıya hər şey elə əzəldən verilib. Sadəcə kimsə ona veriləni hələ götürməyib.
4. Başqalarının uğuruna sevin və heç kimə paxıllıq etmə.
5. Nəticəyə görə narahat olma. O, həqiqətən sənə lazım olanda, baş verəcək.
6. Qədimlərdə deyirdilər – batində nə varsa, zahirdə də odur; içimdə nə varsa, kənarda da var.
7. Əgər insan hesab edirsə ki, nəyəsə layiq deyil, demək, həqiqətən də belədir.
8. Sevincli günlərinin az olduğundan kədərlənib kədərini artırma.
9. Minnətdarlıq hissi bütün ömür boyu səni müşayət etməlidir. Hər şeyə görə - sevincə/kədərə - minnətdar ol. Bununla sevinc payını artırmış olarsan.
10. İstənilən işə başlayanda onu elə gör ki, sanki artıq uğur qazanmısan.
11. Həyatda uğur qazanmaq üçün cəmi üç sahədə usta olmaq lazımdır – fərq etməz, hansı sahədə, lakin dərindən bilməsəndə, üç sahədən başın çıxmalıdır (sevgi də bura aiddir :).
12. Pis öyrədən yoxdur – pis öyrənən var.
13. Nə baş verirsə, zamanında baş verir.
14. Dadmaq və doymaq – hərəsinin öz ləzzəti var. Amma onları səhv salma.
15. Nə edirsənsə, həvəslə et. Özünü zorlama..
16. Mübahisələrə vaxtını öldürmə.
17. HƏYAT – MƏTNDİR. Bu mətni necə yazsan, elə də yaşayarsan.

QOY HƏR KƏS XOŞBƏXTLİK PİROQUNDAN DADSIN!!!

Mərhəmət günü

Hər il fevral ayının 17-də beynəlxalq xeyriyyə təşkilatlarının təşəbbüsü ilə Mərhəmət günü qeyd edilir. Həmin gün hamı bir-birinə cani-könüldən, təmənnasız olaraq kömək edir - maddi, ya mənəvi, fərq etməz... Bəzən bir təsəlliverici söz də insanı həyata qaytarır, bədbinlik və uğursuzluq girdabından xilas edir.
Mərhəmət günündə hamıya olmasa da, heç olmasa yaxınlarımıza mərhəmətli olaq, onları öpüb gözlərinə baxaraq - səni çooox sevirəm! - deyək...

Yeni hobbim

Son zamanlar nəsə rəsm çəkmək həvəsi gəlib mənə, amma əlimdə karandaş tuta bilmirəm)))) Çəkdiklərimə rəsm deməyə dilim gəlmir - sadəcə bir həvəs, emosiya və maraq...
Bir neçə gün internetdə saytları gəzəndən sonra belə bir sayt tapdım:

http://emoroz.ru

burda guya pulsuz olaraq 7 gün ərzində master-klass veriləcək və istənilən şəxs rəsm çəkmək texnologiyasına yiyələnəcək.
Saytın sahibi nədənsə bir şərt kəsir - sayt adresini FB-də, ya da şəxsi bloqda yerləşdirmək. Elə də edirəm və 7 gündən sonra nəticələrimi deyərəm.

Salvador Dali olmayacam, amma yenə də cəhd edim də...

Hamıya uğurlar!
)))

Rus poeziyasının günəşi A.Puşkin anılır

1837-ci ilin fevral ayının 10-da rus poeziyasının dahi şairi Aleksandr Puşkinin vəfat etdiyi gündür. Şairin rus və dünya ədəbiyyatının inkişafındakı möhtəşəm rolunu danmaq olmaz.
Burda Puşkinin bir aforizmi yada düşür:
"Risqdən imtina etmək – yaradıcılıqdan imtina etmək deməkdir"

Ağaclar və insanlar

Ağaclar insanlar kimi
Yolboyu
Qol-boyun olub,
Dirənib,
Sinə gərib küləyin əzminə.

Ağaclar kimi güclü olmayan insanlar
Dünyanı zəbt edən şərə
Boyun əyib,
Əyilib
İçi kirli,
Çölü parlayan,
Əzəməti ilə göz qamaşdıran
Bütlərin xeyrinə...

Rəngləri bozarmış dünyada
Bütləri yıxıb dağıtmaq,
Yeni rəngli dünya qurmaq
Üçün
Ağaclar kimi
Dirənib,
Sinə gərib,
Getdiyi yol boyu
Qol-boyun olub
Addımlayan,
Yeni yolda
Yeni bütlər yaradan insanlar
Yeni nəsillərə
Hansı
Nağılları uyduracaqlar...

Vladimir Kunin – “İnterqız” romanının müəllifi vəfat etdi

Münhendə uzunmüddətli xəstəlikdən sonra rus yazarı, dramaturqu və kinossenaristi Vladimir Kunin fevral ayının 4-də vəfat etdi (www.lenta.ru). Yazarın 83 yaşı vardı. O, 1927-ci ildə Leninqradda doğulub. Idman institutunu bitirib, peşəkar idmançı-akrobat olub, sirkdə işləyib.
Sirkdə bədən xəsarəti alandan sonra Kunin xəstəxanada müalicə alır və ilk hekayələrini yazmağa başlayır. 1962-ci ildə onun “Taksidə işləyirəm” ilk povesti çap olunur. 1967-ci ildə Kuninin povesti əsasında çəkilmiş “Hücum edən qırıcının xronikası” filmindən sonra yazıçı özünü tamamilə ədəbi yaradıcılığa həsr etmək qərarına gəlir.
Vladimir Kunin 30 kinossenari və onlarla roman və povest müəllifidir. Onun əsərləri əsasında “Hərdən xatırla” (1977), “İnterqız” (1989), “Əclaflar” (2006) filmləri çəkilib.
Kunin 1990-cı ildən Münhendə yaşayırdı.

Tənqidçi sözü

"37-nin xofu ədəbi tənqidin canından çıxmayıb". Filologiya üzrə fəlsəfə doktoru, tənqidçi İradə Musayevanın müsahibəsi

"Həftə içi" qəzeti, 5-7.02.2011

- Çağdaş ədəbiyyatımızda ədəbi tənqidin zəifliyi özünü çox ciddi şəkildə göstərir. Tənqidçi kimi bunun səbəblərini nədə görürsüz?

- Gəlin görək, Azərbaycan ədəbiyyatında tənqidin ən güclü vaxtı hansı dövrdə olub? XIX əsrdə, sovet dövründə, yoxsa müstəqillik illərində? Məsələn, Stalinin ölümündən sonra bütün SSRİ-də yaranan yumşalma mərhələsi, yəni 60-cı illərdə istənilən sahələrdə müəyyən irəliləyişlər oldu, ancaq yenə də həmin dövrdə tənqidin zəifliyindən şikayətləndilər: tənqid ədəbiyyatla ayaqlaşmır dedilər.
37-nin xofu ədəbiyyatın canından çıxdı, tənqidin yox.


Mətni tam olaraq, buradan oxuyun:

http://www.hafta-ichi.com/v4/2011/02/05/read=60966

2011-ci il Tukay ili elan edilmişdir

TÜRKSOY türk mədəniyyətləri beynəlxalq təşkilatı tərəfindən 2011-ci il Tukay ili elan edilmişdir. Bu münasibətlə Ankara şəhərində təntənəli tədbir keçirilmişdir. Tatarstanın mədəniyyət naziri Zilə Valeyeva çıxışında demişdir: “Tatar şairi Həbdulla Tukayın yaradıcılığında türk yazarları ilə əlaqələr mühüm rol oynamışdır. Hələ mədrəsədə oxuyarkən, Tukay türk dilini öyrənmiş, möhtəşəm dini-sufi əsərlərlə tanış olmuşdur. Tukay həm Osmani dövrünün, həm də yeni dövrün ədəbiyyatı ilə maraqlanmışdır”.
Tukayın böyük arzusu vardı – Türkiyəni görmək. Lakin bu arzunu o, həyata keçirə bilmədi, amansız xəstəlik şairin həyatına son qoydu. Türkiyəni görməyən Tukay, əsərləri ilə nəinki Türkiyəni, bütün dünyanı “gəzdi”. Onun şeirləri ərəb, fransız, ingilis, italyan, ispan, alman, udmurt, çin, indoneziya, fars dillərinə tərcümə edilmişdir.
2011-ci ilin Tukay ili elan edilməsi ilə əlaqədar, bütün dünyada mədəni tədbirlər həyata keçəcək, konsertlər, yaradıcı insanlarla görüşlər təşkil olunacaq.