Simadan bir şeir etiketine sahip kayıtlar gösteriliyor. Tüm kayıtları göster
Simadan bir şeir etiketine sahip kayıtlar gösteriliyor. Tüm kayıtları göster

7 Eylül 2018 Cuma

Avqust


Похожее изображение

Avqustu
Kəmşirin şərab kimi
Gərək qurtum-qurtum içəsən,
Içinə günəşin istisi yayılsın.
Gözlərini qıyıb,
Küncdə mırıldayan pişiyə,
ilk dəfə görürmüş kimi,
baxasan.
Avqust gecələrinin ətrini
Oxuduğun kitabların sətirlərində duyasan,
Bir azdan payız gəlir, anlayasan,
Bürünəsən avqust küləyinə,
Qaçasan üfüqə sarı –
Günbəgün uzaqlaşan
Yayın arxasınca...

Sima, 2018

6 Eylül 2018 Perşembe

Nimdaş xatirələr


Картинки по запросу воспоминания
Bir gün cürətlənib
Nimdaş xatirələrimi sıraladım,
Və yaddaşımı kiflədən  
Olmuşları
Zibilə atdım.
Özüm-özümü gəmirirdim əvvəllər
Bu olmuşlara görə,
gərək onlar   olmayaydı.
Amma oldu
Və məni incitməkdən həzz aldı.
Anladım ki,
“Yox” deməyi öyrənmək lazım.
Bəzən oyunçular
Başqasının  hisslərini
Qumara qoyurlar,
Amma unudurlar ki,
Hər oyunda tuzlar udmur...

Sima


1 Eylül 2018 Cumartesi

Neqativ mantra


Картинки по запросу neqativ мантра

Söylənməmiş sözlər
Dodaqlara çöküb qaldı,
Baxılmamış baxışlar
Hədəfsiz səpildi ətrafa.
Təlatüm ürəkdən yan keçdi,
Içindəki günəş dOğmadı.
Gülmədin,
Sevilmədin,
Əllərin təmassız qaldı.
Bir gün də belə keçdi –
Özün-özünlə savaşda.

Sima, 2018

31 Ağustos 2018 Cuma

***

Похожее изображение


Ногти, губы
И роза в руках – красное.
Волосы на ветру,
Платье воздушное
С парусным подолом – желтое.
Глаза с поволокой,
Слова с размытым смыслом – черное.
А сердце
С растоптанными чувствами – бесцветное,
Как мир вокруг. Без тебя.


Sima, 2018

P.S. (bəzən rusca da şeir gəlir...)

28 Ağustos 2018 Salı

*** (şeir)


Картинки по запросу без тебя

Gicgahımı yandıran günəş,
Ayaqlarımdan qaçan kölgələr,
Addımlar.
Tappıltı.
Ovcuma süzülən göz yaşları.
Boğazımda kilidlənmiş səslər.
Ürəyimin nataraz döyüntüsü.
Duyğuların fırtınası.
Və
Qəfil sənsizlik.



Sima

27 Ağustos 2018 Pazartesi

Coşqulu dəniz (şeir)


Картинки по запросу море
Dənizi sevirəm.
Soyuq su üstümə çilənəndə,
Dalğalar xışıltıyla ayaqlarıma şığıyanda
Qorxmuram ki...
Qollarımı geniş açıb
Asimanı, günəşi,
Bu dənizi
Gucmaq istərəm -
E-he-he-heyyyy!
Səsim buludlara çatırmı?

Beynimdə qaynayan fikirlər
Dənizə xoş gəlmir,
Acı xatirələrimi silmək üçün
Dalğalar üstümə kükrəyir,
Aşıb-daşır,
Köpüklənərək, uzaqlaşır...
İnanıram, bir gün
Qırılmış ümidlərimi
Özünü doğrultmayan gözləntilərimi
Yeniləyəcəm,
Və yenə də dənizin yanına gələcəm –
Dəli dalğaların qoynuna.
E-he-he-heyyyy...

Sima

Yırtıcı fikirlər (şeir)


 ÐŸÐ¾Ñ…ожее изображение
Bilirsən,
Bəzən beynimdə qaynaşan fikirlər
Yırtıcı heyvan kimidir,
Gərək kilidləyəsən onları
Ki, coşub
Xəsarət yetirməsin.
Gecələr
Fikirlər
Vəhşi caynaqlarını yonaraq
Beynimi cırmaqlayır,
Mənə hakim olmaq istəyir -
Hakim və həkim.
Mən isə  
Qamçıyla vurub
“Alle-hooop!” qışqırıb
Fikirləri
Əhliləşdirirəm
Hər gecə...

Sima

5 Ekim 2016 Çarşamba

Sadəcə payız


Ehtiyatlı
Addımlarımla
Yerə tökülmüş yarpaqları
Xışıldadıram,
Nəfəsim təng,
Ağlım dəngdir,
Fikirlərimi cəngələyib,
Cərgələyib
Hara gedirəm – unutmuşam...

Soyuq səslər,
Dərin təlaş,
Şüşələrdə damcılar,
Bikef  insanlar,
Azdıran küçələr,
Qaranlıq künclərdən sızan
Qəhvə ətrinə qarışmış
Tüstülər.

Darıxma,
Bu sadəcə payızdır.

2015


  

7 Mayıs 2014 Çarşamba

Səhərdən – gecəyə

Yağış burda azacaq,
Dənizin güzgüsü sınacaq,
Qağayıların fəryadından
Biganə daş şəhər oyanacaq
Bu səhər. 

Narın nəm qum günəşdən
Asta-asta qızıllanacaq,
Dalğalar gecədən sahilə düşən
Naməlum ləpirləri yalayacaq
Günorta.

Yenə dəniz pıçıldayacaq,
Yenə quşlar nizamsız uçacaq,
Sahil gözləyəcək qonağını,
Dinləyəcək onun kədərli mahnılarını
Bu axşam.

Gecə isə məxmər çətiriylə
Hamını qoynuna alacaq,
Və şəhərin rədd etdiyi insana da
Verəcək soyuq sığınacaq....

Sima, 2014

2 Eylül 2012 Pazar

Sima Ənnağı. Mindən biri (şeir)


O,  səmanı qızıla boyadı,       
Buludları – çəhrayı etdi.
Sonra güllərlə evləri, küçələri bəzədi.
Rəsmləri səhər sevinci ilə doldu
Pəncərələrdən gələn qəhqəhələrlə.
İnsanlar dedilər – dəlidi bu,
Ağlı çatmır...
Məgər qızıl səma, çəhrayı bulud varmı?
Məgər heç nədən
Səbəbsiz
Küçələri, evləri gülə-çiçəyə qərq etmək olarmı?
İçdən qəhqəhə çəkmək, yaşadığına sevinmək,
Hər gün gördüyün günəşə aşıq olmaq
Əsil dəlilikdi,
Dəlilik...