payız etiketine sahip kayıtlar gösteriliyor. Tüm kayıtları göster
payız etiketine sahip kayıtlar gösteriliyor. Tüm kayıtları göster

15 Kasım 2022 Salı

Payız nəğməsi

 


Gecələr külək

şəhərə pıçıldar nağıllarını,

Zaman

Avtomobil yollarında şütüyüb keçər.

Yuxuya gedən kömür qarğalar

Qaralmış parkda

Səsini kəsər.

Yolunu azmış quru yarpaqlar

Xışıldar,

Xışıldar tanqo ritmində,

Buludlardan qaçan Ay gizlənər

Çardaqlarda,

Ayı qabağına qatıb qovan buludlar

İlişib qalar

Küçə damarlarında.


Şəhərə payız gəlir asta addımlarla...


Sima

5 Ekim 2016 Çarşamba

Sadəcə payız


Ehtiyatlı
Addımlarımla
Yerə tökülmüş yarpaqları
Xışıldadıram,
Nəfəsim təng,
Ağlım dəngdir,
Fikirlərimi cəngələyib,
Cərgələyib
Hara gedirəm – unutmuşam...

Soyuq səslər,
Dərin təlaş,
Şüşələrdə damcılar,
Bikef  insanlar,
Azdıran küçələr,
Qaranlıq künclərdən sızan
Qəhvə ətrinə qarışmış
Tüstülər.

Darıxma,
Bu sadəcə payızdır.

2015